Próximo obradoiro no Barco de Valdeorras

Xa podedes anotarvos na próxima edición do obradoiro "de aquí, xusto e ecolóxico" que será no Barco de Valdeorras os días 6 e 7 de setembro en horario de tarde.

Celebrarase na aula de informatica, que está na Praza do Concello nº2, 2º andar do Barco.

Lembrade que para anotarvos só tedes que cubrir o seguinte formulario.

Agardámosvos

Por que de aquí, xusto e ecolóxico dende o punto de vista do comercio xusto e a cooperación

O concepto de comercio xusto ten variado substancialmente desde a súaa creación, hai xa unha chea de anos, ata a actualidade. A día de hoxe case ninguén cuestiona que un comercio xusto de produtos importados de comunidades en desenvolvemento no Sur non ten porque entrar en competencia cos produtos cercanos, senón que, moi ao contrario, o comercio xusto serve de marco definitorio sobre o que é xusto para produtores e consumidores tamén aquí no Norte.

Existe pois, unha necesaria cooperación entre o concepto de comercio xusto máis clásico e a defensa dun mundo rural vivo, dunha produción ecolóxica no noso entorno, sen máis desprazamentos nin intermediarios que os necesarios e, en definitiva, da soberanía alimentaria para os pobos, tanto no Sur coma no Norte.

Podemos escoller produtos cercanos, ecolóxicos e de calidade, nos mercados locais, tendas de barrio, de comercio xusto, cooperativas de consumidores, etc.; e a continuación escoller, mediante a figura dos círculos concéntricos, o resto de produtos que non atopamos aquí, preferindo igualmente os de comercio xusto, ecolóxicos ou artesanais, de pequenos produtores, e evitando as multinacionais e as grandes cadeas de distribución alimentaria.

O noso xeito de consumir condiciona, por tanto, o dereito das persoas produtoras a vivir dignamente do seu traballo e permite reivindicar desde as que somos consumidoras o dereito a saber o que mercamos, a non apoiar situacións de explotación tanto das persoas como do planeta e a consumir produtos bos e seguros para a nosa saúde.

Polo tanto de aquí, xusto e ecolóxico xorde, ao mesmo tempo, como necesidade e oportunidade nunha situación de crise na que temos que deixar de cavar no pozo e construír presente e futuro baseados en tres patas que son:

• De aquí, polo feito de apostar polo que temos máis preto.
• Xusto, por facermos unha sociedade máis equilibrada e solidaria.
• Ecolóxico, pola necesidade de vivir nun territorio máis sostible.

A súa mistura nun contexto local e nunha visión global, permiten aproveitar as experiencias positivas de desenvolvemento rural para tecer as bases dunha cooperación que non distingue de fronteiras e si de persoas.

Asdo. Lucía Medina e Xabier Bruña

Reflexións 1_Comercio Xusto Local: Do Comercio Xusto ao Consumo Responsable

Comercio Xusto Local: Do Comercio Xusto ao Consumo Responsable. Esta é a primeira presentación sobre a que vos convidamos a reflexionar.

Para acceder a ela pinchade aquí.

Está elaborada polo noso compañeiro da Cova da Terra Ringo Bruña e contén información crítica e de alternativas de moito interese.


Agradecemos a Ringo a súa colaboración e seguimos adiante. Esperamos sexa do voso interese.

EXPERIENCIA 1_ O SEQUEIRO DA PORTELA

Con este post imos comezar a compartir con vós as experiencias, reflexións e ideas que van xurdindo nos diferentes obradoiros, para darlle contido e valor a este medio de comunicación ademais de conseguir que todo o traballado nos obradoiros chegue ao máximo de xente posible.

Comezamos por unha experiencia. O Sequeiro da Portela que estivo con nós no obradoiro que realizamos en Chantada nos días 16 e 17 de xullo.

O Sequeiro da Portela é um pequeno projeto familiar de venda de produtos elaborados com farinha de castanha. Podedes atopar máis información aquí.

O seu proxecto, resúmese nesta presentación que utilizaron no obradoiro. Convidámosvos a que lle botedes un ollo porque se trata dun proxecto moi interesante.

Agardamos vos fora de interese. Seguiremos informando.

22 e 23 de xullo en Redondela

Despois dunha boa experiencia en Vilalba seguimos convidándovos a participar, esta vez en Redondela

Os días 22 e 23 de xullo, en horario de 16 a 21 horas estaremos cunha nova edición do obradoiro "de aquí, xusto e ecolóxico".

Onde?
Nesta ocasión contamos coa colaboración do Centro de Formación A Marisma 

E lembra, podes inscribirte cubrindo os datos do seguinte formulario:

ou a través do teléfono 698 16 17 60.

Deixamos un resumo dos contidos do obradoiro para refrescar.

En que consiste este obradoiro?

Obxectivo do obradoiro: Achegar as diferentes oportunidades laborais que ofrece o noso rural partindo de conceptos clave como son: a agroecoloxía, a sustentabilidade económica, social e medioambiental, a cooperación e a soberanía alimentaria.

Contidos obradoiro:

Día 1

• Presentación programa
• Por que ecolóxico, por que local e por que xusto?
• Presentación da guía: Como facermos un rural xusto e ecolóxico.
• Relator/a convidado/a
• Os recursos locais (tipos e identificación)

Día 2

• Presentación dunha experiencia de emprendemento de éxito no rural
• Traballo en grupos
• Partes dun plan de empresa
• modelo cooperativo
• Financiamento alternativo

Un total de 9 obradoiros de sensibilización e formación en diferentes concellos das catro provincias galegas a través dos que achegar á mocidade as oportunidades éticas e socialmente responsables de emprendemento económico que ofrece o noso rural.

Calendario previsto

Neste novo post queremos darvos a coñecer o calendario aproximado coas datas e lugares onde se celbrarán os diferentes obradoiros.

Estabamos agardando a pechar todas as datas mais debido ao interese pensamos que era bo subilo.

Xa vedes que hai lugares onde aínda non se pecharon datas defintivas pero así podedes facervos unha idea.

Graciñas a todo o mundo polo interese no obradoiro!!

Xuño
27 e 28	Vilalba
Xullo
16 e 17	Chantada
22 e 23	Redondela
Setembro
6 e 7 de setembro	O Barco
Do 9 ao 13 de setembro	A Estrada
18 e 19   de setembro	Verín
Do 23 ao 27 de setembro	Ribadeo
Outubro
2 e 3 de outubro	Zas (Baio)
Do 7 ao 11 de outubro	Arousa

Lembrade, para máis información: formacioncova@outlook.com

Segundo obradoiro, o 16 e 17 de xullo en Chantada

Continuamos a nosa andaina en Chantada.

Os días 16 e 17 de xullo, en horario de 16 a 21 horas estaremos cunha nova edición do obradoiro "de aquí, xusto e ecolóxico".

Onde?
Nesta ocasión contamos coa colaboración do Sindicato Labrego Galego que nos cede as súas instalacións para celebrar o obradoiro. Será na Rúa Emilia Pardo Bazán, nº 11, Baixo.

E lembra, podes inscribirte no mail: formacioncova@outlook.com, coméntanos o teu nome, idade, teléfono, profesión e nivel de estudos. Tamén podes facelo a través do teléfono 698 16 17 60.
Podedes anotarvos no seguinte formulario:


Deixamos un resumo dos contidos do obradoiro para refrescar.

En que consiste este obradoiro?

Obxectivo do obradoiro: Achegar as diferentes oportunidades laborais que ofrece o noso rural partindo de conceptos clave como son: a agroecoloxía, a sustentabilidade económica, social e medioambiental, a cooperación e a soberanía alimentaria.

Contidos obradoiro:

Día 1

• Presentación programa
• Por que ecolóxico, por que local e por que xusto?
• Presentación da guía: Como facermos un rural xusto e ecolóxico.
• Relator/a convidado/a
• Os recursos locais (tipos e identificación)

Día 2

• Presentación dunha experiencia de emprendemento de éxito no rural
• Traballo en grupos
• Partes dun plan de empresa
• modelo cooperativo
• Financiamento alternativo

Un total de 9 obradoiros de sensibilización e formación en diferentes concellos das catro provincias galegas a través dos que achegar á mocidade as oportunidades éticas e socialmente responsables de emprendemento económico que ofrece o noso rural.