Arranca “De aquí, xusto e ecolóxico. O rural como motor de cambio”

Xa imos comezar coa andaina. A próxima semana arrancamos en Vilalba co primeiro obradoiro!!  É do voso interese? Aquí vai máis información para que vos inscribades:

Duración: 10 horas

Datas: xoves 27 e venres 28 de xuño

Hora: 16.00 a 21.00 h

Lugar: 3º andar da Casa do Concello (Praza da Constitución, nº1) Vilalba

Nº prazas: 20

Inscricións en: formacioncova@outlook.com. Indicando: Nome, apelidos, idade, teléfono, enderezo, nivel de estudos e profesión. Dado que o obradoiro é de balde as prazas outorgaranse por rigorosa orde de inscrición.

En que consiste este obradoiro?

Obxectivo do obradoiro: Achegar as diferentes oportunidades laborais que ofrece o noso rural partindo de conceptos clave como son: a agroecoloxía, a sustentabilidade económica, social e medioambiental, a cooperación e a soberanía alimentaria.

Contidos obradoiro:

Día 1

• Presentación programa
• Por que ecolóxico, por que local e por que xusto?
• Presentación da guía: Como facermos un rural xusto e ecolóxico.
• Relator/a convidado/a
• Os recursos locais (tipos e identificación)

Día 2

• Presentación dunha experiencia de emprendemento de éxito no rural
• Traballo en grupos
• Partes dun plan de empresa
• modelo cooperativo
• Financiamento alternativo

Un total de 9 obradoiros de sensibilización e formación en diferentes concellos das catro provincias galegas a través dos que achegar á mocidade as oportunidades éticas e socialmente responsables de emprendemento económico que ofrece o noso rural.

Os obradoiros desenvolveranse nos meses de xuño, xullo, setembro e outubro, e arrancamos en Vilalba na semana que ven.